Í samtali við DailyMail segja vinkonurnar frá vegferð sinni. AnnaLee, 32 ára, fékk uppáskrifað Mounjaro í desember 2022. Virka efnið í Mounjaro er tirzepatide.
Dacia, 40 ára, var sett á lyf sem inniheldur virka efnið semaglútíð (sem er einnig virka efnið í Ozempic og Wegovy) um sex mánuðum síðar.
Bæði lyfin tilheyra flokki glúkagonlík-peptíð-1 (GLP1) hliðstæðna. Rannsóknir hafa gefið til kynna að tirzepatide sé skilvirkara en Dacia segir að hún var fljótari að léttast (hún var á semaglútíð). Hún glímdi einnig við mikið verri aukaverkanir.
Bæði lyfin geta valdið svipuðum aukaverkunum, eins og flökurleika, uppköst og niðurgang en Dacia sagði að stundum hafi flökurleikinn og magakramparnir verið svo slæmir að hún hafi varla geta hreyft sig.
„Ég upplifði alveg frekar slæmar aukaverkanir, ég ætla ekki að ljúga. Ég hef glímt við stanslausan flökurleika og hægðatregðu, en ég held að ég sé búin að finna nokkuð góða lausn með teyminu mínu og mér líður betur,“ sagði hún. „Ég tók eftir því að þetta var ekki jafn stórt vandamál hjá AnnaLee.“
AnnaLee tók það samt fram að aukaverkanirnar urðu verri ef hún drakk áfengi, svo hún gaf það upp á bátinn.
Báðar konurnar hafa misst um 40 prósent af eigin líkamsþyngd og líður vel. Þær segja að það hafi hjálpað að hefja þessa vegferð á svipuðum tíma, þær hafi getað rætt um líðan sína, erfiðleika og hafi í kjölfarið tengst enn sterkari böndum.
