Kraftakarlinn Hafþór Júlíus Björnsson, eða Fjallið eins og hann er títt kallaður, lagði allar keppnismedalíur sínar að veði til þess að sigra hinn breska Matt Morsia í einvígi. Morsia hafði sigrað Hafþór ári áður og það sveið.
Matt Morsia er fyrrverandi frjálsíþróttamaður sem gerðist líkamsræktar og kraftlyftingamaður. Hann er hins vegar þekktastur fyrir að halda úti hinni vinsælu Youtube rás Matt Does Fitness.
Fyrir tveimur árum síðan áttust Hafþór og Matt við í óopinberri kraftakeppni í Bretlandi þar sem Matt bar sigur úr býtum. Hafa ber þó í huga að þar sem Matt er tæp 100 kíló en Hafþór 200 þá voru þyngdirnar aðlagaðar að því.
Þetta sveið Hafþóri og var leikurinn því endurtekinn í fyrra. Nýlega birti Matt myndband af þeirri rimmu.
Að þessu sinni fór keppnin fram á Íslandi, í líkamsræktarstöð Hafþórs, Thor´s Gym. Ekki nóg með það þá lagði Hafþór alla sína verðlaunagripi undir í rimmunni, og þeir eru margir.
Hægt er að fylgjast með viðureignunum báðum hér:
