Leikkonan og raunveruleikastjarnan Lisa Rinna er ófeimin við að birta myndir af sér fáklæddri á samfélagsmiðlum. 

Það gerði hún síðast nú um helgina þegar hún birti mynd af sér í story á Instagram og sýndi stolt spreybrúnku sína.

„Ó, og ég fékk spreybrúnku í gærkvöldi fyrir Miami,“ skrifr hún við myndina.

Rinna fagnaði einnig sextugsafmæli sínu í fyrra og árinu 2024 með nektarmynd. Sjá einnig: 60 ára og fagnaði nýju ári með svakalegri nektarmynd

Rinna vakti einnig umtal þegar hún viðurkenndi að hafa farið offari í andlitsfyllingum eftir að Nicole Smith, aðstoðarmaður lýtalæknis, gagnrýndi andlitsaðgerðir Rinna og notkun hennar á Skinvive stungulyfjum í myndbandi sem deilt var síðastliðinn fimmtudag.

„Skinvive er ekki fyrir alla og það var ekki gott fyrir mig,“ skrifaði Rinna í athugasemd við myndbandið. „Sem betur fer gátum við leyst þetta mál í dag! Vá!“

Áður en Rinna tjáði sig voru aðdáendur hneykslaðir yfir því hvernig óhófleg notkun hennar á fylliefnum breytti andliti hennar, þar sem einn notandi skrifaði: „Ég trúi ekki að þetta sé Lisa Rinna!!!!“

„engar hrukkur þýðir ekki það sama og unglegt,“ bætti annar við og annar skrifaði: „Ég þekkti hana ekki einu sinni.“

Fyrr á þessu ári sagði Rinna að hún haldi sér heilsubraustri og unglegri með því að lifa hófsamlegu líferni.

„Ég hef æft síðan ég var 16 ára. Ég lifi hófsamlega, þó svo virðist oft sem ég lifi hröðum og háværum lífsstíl. Ég passa upp á hvíld og borða aðallega hollan mat.“