Ívar Orri Ómarsson er á lokametrum fjögurra vikna áskorunnar sem hann borðaði eingöngu óeldaðan mat til að athuga hver áhrifin verða á líðan hans. Ívar greindist með sykursýki fyrir fimm árum og hefur síðan umbylt líferni sínu og leggur í dag mikið upp úr hollustu og heilbrigði. Þá er hann óhræddur við að prófa nýja hluti eins og umrædd áskorun er gott dæmi um en hann hefur leyft fylgjendum sínum á Instagram að fylgjast með tilraunum sínum.
Nýjasta uppátækið, á lokadegi áskorunarinnar, hefur vakið talsverða athygli en þá lagði Ívar Orri sér hráan kjúkling til munns eins og sjá má á myndbandinu hér fyrir neðan.
„Ég var búinn að lofa sjálfum mér því að borða ekki hráan kjúkling. En vegna fjölda áskoranna þá hef ég ákveðið að gefa þessu sjéns,“ segir Ívar Orri í myndbandinu og lætur svo til skarar skríða við hráan kjúklingavæng.
Fylgjendur hans súpa margir hverjir hveljur yfir uppátækinu og ljóst að meginþorrinn getur ekki hugsað sér slíkt til munns.
View this post on Instagram
