Hægt er að hlusta á hlaðvarpið í heild sinni hér:
Einnig er hægt að hlusta á Spotify eða hlaðvarpsþjónustu Google.
Hera Gísladóttir útskrifaðist sem heilsumarkþjálfi fyrir nokkrum árum en fannst eitthvað vanta í heildarmyndina. Það mætti segja að líf hennar hafi breytt um stefnu eftir að hún fór með unnusta sínum, athafnamanninum Ásgeiri Kolbeinssyni, í ræktina en upp úr því kviknaði brennandi áhugi hennar á stjörnuspeki og rekur hún nú fyrirtækið Orkugreining, ásamt Ásgeiri og Gunnlaugi Guðmundssyni, sem sérhæfir sig í stjörnukortum og halda þremenningarnir einnig úti hlaðvarpi um stjörnuspeki.
„Við fórum saman í ræktina og ég ætlaði alveg að snúa honum við. „Jæja, nú hjálpa ég þér.“ Ég byrjaði liggur við að segja honum að fara í handahlaup og að snúa sér í hringi og fara aftur á bak á hlaupabrettinu, það sem mér finnst gaman. Alltaf eitthvað nýtt,“ segir hún.
Hera tók eftir því að Ásgeir var orðinn pirraður. „Hann sagði: „Úff, Hera ég get þetta ekki, ég get þig ekki. Hættu.“ Við vorum að klessast stöðugt á. Ég hugsaði hvernig ætla ég sem heilsumarkþjálfi að hjálpa? Á hverju er ég að byggja þetta ef ég get ekki einu sinni hjálpað makanum mínum í ræktinni.“
„Síðan byrjaði ég í stjörnuspekinni, hún kom bara til mín. Ég trúi að hlutir koma til þín sem eiga að koma til þín,“ segir hún. Vitneskja hennar um stjörnumerkin og orkugreiningu breytti hvernig hún nálgaðist þjálfunina, uppeldið á syni hennar, samskipti við makann og lífið sjálft.
„Ég sá bara þá hvað við erum öll ólík og núna í dag skoða ég stjörnukort einstaklings, eða orkugreiningakort eins og við köllum þetta í dag, ég skoða það og þá finnst mér ég vera komin með einhvern grunn til að vinna með. Þannig ég er ekki að ýta á eftir manneskju sem er hægari, þá mæli ég kannski frekar með göngutúr á kvöldin.“
Aðspurð hvað orkugreiningakort Ásgeirs hafi leitt í ljós segir hún: „Það sýndi mér að hann er ekki neitt líkur mér. Talandi um yin og yang,“ segir Hera og hlær.
Hera ræðir þetta nánar í spilaranum hér að ofan. Brotið er hluti af nýjasta þætti af Fókus sem má horfa á í heild sinni hér.
Fylgstu með Heru á Instagram.
Hlustaðu á Stjörnuspeki á Spotify og skoðaðu Orkugreining.is hér.
