Bandaríski stórleikarinn Johnny Depp er kominn með nýja konu upp á arminn, rússneska snyrtifræðinginn og fyrirsætuna Yulia Vlasova. Talsverður aldursmunur er á parinu, eða 33 ár, Depp er 61 árs og Vlasova 28 ára, eða þremur árum eldri en dóttir Depp.
Heimildamaður PageSix segir parið í „mjög frjálslegu“ sambandi, þau hafa sést saman við hin ýmsu tækifæri undanfarin ár, en sambandið sé ekki alvarlegt.
View this post on Instagram
Parið kynntist í Prag í ágúst 2021 á Alþjóðlegu kvikmyndahátíðinni í Karlovy Vary. Vlasova rekur þar förðunar- og hárgreiðslustofu en virðist nú eyða miklum tíma í Bretlandi, þar sem Depp býr um þessar mundir.
Síðastliðinn fimmtudag var parið myndað á ferðalagi frá London Heliport á myndum sem Daily Mail birti.
View this post on Instagram
Parið hefur birt myndir af sér saman, meðal annars á tónleikum vinar Depp Jeff Beck heitins í Prag í júlí 2022. Fyrr á þessu ári deildi Vlasova mynd á Instagram þar sem sjá má hendi Depp á læri hennar. Myndin var svar við spurningu um hver væri uppáhaldsleikarinn hennar.
„JD. Hann er maður sem er ótrúlega hæfileikaríkur og hvetjandi,“ skrifaði hún við myndina.
Á mánudag birti Vlasova yfirlýsingu á tékknesku þar sem hún biður vini sína um að veita blaðamönnum ekki viðtöl um hana og líf hennar. Segir hún að skilningur þeirra og virðing fyrir einkalífi hennar sé vel metinn.
Depp hefur látið lítið fyrir sér fara og dvalist í Bretlandi eftir að hann vann meiðyrðamál gegn fyrrum eiginkonu sinni, Amber Heard, í júní 2022. Heard er búsett í Madrid á Spáni.
