Bon Jovi og Hurley hafa verið saman síðan þau voru táningar og hafa verið gift í 34 ár.
Hann segir langt hjónaband þeirra vera þolinmæði Hurley að þakka, þolinmæði hennar og umburðarlyndi gagnvart mörgum framhjáhöldum hans í gegnum árin.
„Þetta er þessi týpíska rokkstjörnuklisja,“ sagði Bon Jovi í viðtali við The Independent á sunnudaginn.
„Ég ætla ekki að ljúga því að ég hafi verið dýrlingur, en ég var ekki nógu heimskur til að eyðileggja fjölskylduna okkar.“
Aðdáendur söngvarans muna eftir því þegar hann lýsti yfir djúpri eftirsjá um að hafa haldið framhjá konu sinni í smellinum „Bed of Roses“ árið 1993. Hann söng:
„Now as you close your eyes / Know I’ll be thinking about you / While my mistress she calls me / To stand in her spotlight again / Tonight I won’t be alone / But you know that don’t mean I’m not lonely / I’ve got nothing to prove / For it’s you that I’d die to defend.”
Bon Jovi og Hurley eiga saman fjögur börn. Stephanie, 30 ára, Jesse, 29 ára, Jake, 21 árs, og Romeo, 20 ára.
