Katrín hertogaynja, eiginkona Vilhjálms Bretaprins, hefur verið að glíma við veikindi og gekkst undir kviðarholsaðgerð í janúar. Í byrjun febrúar var hún útskrifuð af einkarekinni heilsugæslustöð í Lundúnum eftir tveggja vikna dvöl.
Í tilkynningu frá Kensingtonhöll á þeim tíma kom fram að Katrín myndi ekki snúa aftur til konunglegra starfa fyrr en eftir páska.
Sjá einnig: Katrín gekkst undir aðgerð í gær – Verður frá opinberum skyldustörfum fram yfir páska
Vilhjálmur átti að mæta á minningarathöfn fyrir guðföður sinn heitinn, Konastantíns II., konung Grikklands, á þriðjudaginn en hætti skyndilega við „af persónulegum ástæðum.“
NBC reyndi að fá meiri upplýsingar um ástæðu þess að hann hafi hætt við en talsmaður Kensingtonhallar neitaði að tjá sig frekar um málið en sagði að Katrín „haldi áfram að ná góðum bata.“
Sjá einnig: Vilhjálmur Bretaprins rýfur þögnina um veikindi föður síns
