Þórunn Antonía Magnúsdóttir tónlistarkona hefur sett einbýlishús sitt í Hveragerði á sölu.

„Fallega Hveragerðis höllin mín komin á sölu! Það var opið hús i því fyrr á árinu og ég samþykkti tilboð en keðjan stöðvaðist þeirra megin þvi þau náðu ekki að selja sín megin sem var leiðinlegt en líka gott því ég fékk þá tækifæri til að ganga frá því betur. Mála og galdra aftur inn það ljós og gleðina sem umvafði okkur þegar við bjuggum þar eftir að fá það afhent frá leigjendum með afar ólíkan smekk. En þarna er dásamlegt að vera og einstakur andi. Þakið er komið á tíma og þarna þarf einhver handlaginn að búa sem hlúir vel að húsinu. Það er arin, heitur pottur, bílskúr og 1000 fm garður!,“ segir Þórunn Antonía í færslu á Facebook. 

Sjá einnig: Þórunn Antonía selur í Hveragerði – „Þetta hús hefur svo einstaka orku“

Tónlistarkonan hefur tjáð sig á samfélagsmiðlum um leit hennar að húsnæði á höfuborgarsvæðinu eftir að mygla kom upp í leiguíbúð hennar, en nýlega greindi hún frá því að hún væri loksins komin með íbúð.

Sjá einnig: Þrautaganga Þórunnar Antoníu á enda – „Ég er komin með íbúð!“

Húsið er timburhús á einni hæð, 191,1 fm þar af bílskúr 50 fm, byggt árið 1976 (bílskúr árið 1980). Húsið skiptist í forstofu, hol, eldhús og borðstofu, stofu, fjögur svefnherbergi, baðherbergi, þvottahús og geymslu fyrir utan hús. Í bílskúr er búið að útbúa íbúð sem skiptist í alrymi, svefnherbergi og baðherbergi.

Garður er stór og gróinn, timburverönd er á milli íbúðarhúss og bílskúrs, aflokaður að götu. Malbikuð bílaplön eru fyrir framan bílskúr og íbúðarhús. Heitur pottur er við húsið á timburverönd. 

Hús með „einstaka orku“ segir í lýsingu eignarinnar í söluyfirliti.

Nánari upplýsingar um eignina má finna hér.