OnlyFans-stjarnan Arna Bára Karlsóttir og argentíska fyrirsætan Ian Hachmann komu til Íslands í vikunni og giftu sig þriðjudagskvöldið 11. júlí. Athöfnin fór fram á snekkjunni Amelia Rose.
Sjá einnig: Stærsta Onlyfans-stjarna Íslendinga mætt til landsins – „Draumur að verða að veruleika“
„Dagurinn var fullkominn á allan hátt og allt bara gat ekki verið betra. Gestirnir voru allir svo tímalega þannig að veislan byrjaði snemma og ég gat bara ekki verið glaðari,“ segir Arna Bára í samtali við DV.
Snekkjan Amelia Rose er fjögurra hæða og voru brúðhjónin með barþjón, þjóna og dj, allt sem gerir góða veislu skemmtilega.
„Á slaginu 23:11 þá skiptumst við á hringum og klæddum okkur úr fötum og hoppuðum í sjóinn,“ segir Arna Bára. Eða eins og hún skrifar við myndskeið á Instagram: „Tveggja mínútna brúðkaup þar sem var skipst á hringjum og svo beint úr fötunum og hoppað í ískaldan íslenska sjóinn.“ 
Aðspurð segir hún bónorðið hafa verið gert með stæl á IBIZA. Parið tók svo ekki langan tíma í brúðkaupsundirbúning.
„Nei þetta var allt planað með minna en viku fyrirvara, þetta var allt planað á fyllerí með vinafólki okkar,“ segir Arna Bára.
Aðspurð um hvort henni finnist mikilvægt að vera í hjónabandi segir hún:
„Okkur finnst ekki mikilvægt að staðfesta ástina með hjónabandi, ég hef enga trú á hjónabandi og ætlaði aldrei að gifta mig og hann ekki heldur. En við þurftum að gera það svo hann fái að vera hjá mér á Spáni þannig að við ákváðum bara að skella í þetta. Svo þegar maður hittir manneskjuna sína þá langar mann að gifta sig og vera fastur með manneskjunni alla ævina þannig að það er bara skemmtilegt.“
