Dómur Elizabeth Holmes, stofnanda nýsköpunarfyrirtækisins Theranos, hefur verið styttur um tvö ár.

Holmes var sakfelld í janúar árið 2022 til 11 ára og þriggja mánaða fangelsisvistar, í fjórum ákæruliðum af tólf, fyrir að hafa sagt fjárfestum Theranos ósatt um byltingarkennda blóðskimunartækni fyrirtækisins sem átti að geta greint margvíslega sjúkdóma með fáeinum blóðdropum.

Holmes sem er 39 ára, tveggja barna móðir, hóf afplánun í maí á þessu ári. Samkvæmt skráningu á vef bandarísku fangelsismálastofnunarinnar er dómurinn skráður tveimur árum styttri, en ekki er greint frá af hvaða ástæðu það er. Nú virðist sem dómur hennar hafi verið styttur, þó ekki sé fullkomlega ljós hvers vegna. Hún mun því losna úr fangelsi 29. Desember 2032, níu árum, sex mánuðum og 29 dögum eftir að hún hóf afplánun þann 30 maí. 

Talsmaður fangelsisstofnunarinnar staðfesti breytinguna en gat ekki tjáð sig frekar um mál Holmes. Afplánun hennar gæti þó orðið styttri komi til reynslulausnar vegna góðrar hegðunar eða annarra ástæðna.