Söng- og leikkonan Jennifer Lopez hefur sett fasteign sína í Bel Air í sölu. Setrið er í frönskum stíl og er föl fyrir 42,5 milljónir dollara.
Eignin er átta hektara og á henni má meðal annars finna hringleikahús, ofanjarðarlaug og heimabíó með plakötum af kvikmyndum sem hjónin hafa leikið í, líkt og segir á heimasíðu Wall Street Journal.
Líkt og alþjóð veit fundu Jennifer Lopez og Ben Affleck ástina að nýju og giftu sig með miklum glæsibrag síðasta sumar. Þá hugðust turtildúfurnar flytja með börn og búslóð í Bel Air-setrið sem Jennifer Lopez keypti af leikaranum Sela Ward og eiginmanni Howard Sherman fyrir 28 milljónir dollara árið 2016. Til stóð að taka setrið í gegn, en svo virðist sem plön Bennifer hafi breyst.
Samfélagsmiðlar hafa logað eftir rifrildi þeirra á Grammy verðlaunahátíðinni síðustu helgi. Er það þó ekki fyrsta rifrildið sem fer á dreifingu um netið. Hvort salan á setrinu tengist þessum brestum í hjónabandinu verður framtíðin að leiða í ljós.
Myndband af J.Lo og Ben Affleck rífast fer eins og eldur í sinu um netheima
Átta hektara eignin er sannkallaður töfraheimur fullorðinna með eigin stöðuvatni með sandströnd, fossi, púttvelli, 100 sæta útihringleikahúsi, pagóðu með eldgryfju, öðru úti setusvæði með eldgryfju, hektara af skógi með gönguleiðum og landslagshönnuðum trjám nálægt aðalhúsinu og tveimur gistihúsum, líkamsræktarstöð og ofanjarðarlaug.
Aðalhúsið er síðan 1300 fermetrar, með sjö svefnherbergjum, nokkrum börum, leikherbergi, þrjátíu sæta sýningarsal, borðstofu, stórum borðkrók, nokkrum lúxumsetustofum og arinn í flestum rýmum. Hátt er til lofts og vítt til veggja og opnast öll herbergi út á verönd.
Stuttu eftir brúðkaupið seldi Affleck heimili sitt í Pacific Palisades fyrir 28 milljónir dollara. Hjónin hafa leigt sér aðra villu meðan framkvæmdir hófust á Bel Air-setrið. Nú er spurningin hvert þau hyggjast flytja næst, og hvort það verður saman eða sundur.
Rifrildið ekki það eina sem vakti athygli – Sjáðu svipbrigðin sem eru að gera allt vitlaust