Brooklyn Beckham, sonur hinna heimsþekktu Beckham hjóna, hefur slegið í gegn með nýjasta myndbandi sínu. Ekki þó á jákvæðan máta því netverjar keppast við að hrauna yfir takta Beckham í eldamennskunni.
Beckham, sem er 23 ára, hefur reynt sitt ítrasta til að koma ferli sínum sem kokkur í gagn, en ef marka er gagnrýni netverja þá á hann langt í land.
Í myndbandinu má sjá Beckham útbúa vegan lasagna, sem netverjar segja venjulegt og skorta allan fínleika. Á myndbandinu má sjá kappann skera lauk, hvítlauk og eggaldin og skella hráefnunum í pott ásamt tilbúinni sósu. Síðan setur hann blönduna í fat ásamt tilbúnum lasagnablöðum og osti.
View this post on Instagram
„Í næstu viku mun litli Beckham gera kjúklinganagga,“ skrifaði einn netverji. Annar sagði skammast sín fyrir hann, börn lærðu að elda á þennan máta í skóla.
