Ofurfyrirsætan Heidi Klum hefur alla tíð verið ófeimin að birta djarfar myndir af sér á Instagram. Hún hefur birt fjölda mynda af sér þar sem hún er ber að ofan, aðeins í sundbuxum, en það er góð ástæða fyrir því.

Klum, 50 ára, útskýrir málið í samtali við People.

„Mér líður mjög vel þegar ég er nakin. Svo vel að krakkarnir mínir eru alveg: „Mamma, vinur minn er að koma,““ sagði hún við tímaritið.

„En um leið og einhver er að koma, þá fer ég í topp. En ef það er enginn þarna þá leyfi ég þeim að anda. Ég er ekki hrifin af sólbrúnkufari því ég á svo marga mismunandi bikinítoppa. Þetta er þaulskipulagt.“

Klum er dómari í America‘s Got Talent. „Venjulega sit ég á bak við dómaraborðið þannig áhorfendur sjá mig aðeins frá mitti og upp. Þannig ég reyni að gera útlitið spennandi og venjulega er ég með Hans og Franz vel sýnilega,“ sagði hún. Hans og Franz er viðurnefni sem hún hefur gefið brjóstunum sínum.

Klum er gift tónlistarmanninum Tom Kaulitz. Hún sagði að hann vill helst hafa hana „ljóshærða, með topp og í stuttu pilsi.“

„Mjög auðvelt að gera hann hamingjusaman,“ sagði hún kímin.