Bandaríska matargyðjan og sjónvarpsstjarnan Martha Stewart var stödd hér á landi um helgina. Á Instagram dásamar hún ferð í Sky Lagoon, sem hún segir glæsilega hannað. 

Súkkulaðigerðin Omnom birti færslu á laugardag þar sem greint er frá að Stewart hafi mætt í óvænta heimsókn og gefið súkkulaðinu sitt gæðasamþykki. Stewart fékk að sjálfsögðu heimsókn um verksmiðjuna og með henni í för var fyrrum forsetafrú Dorrit Moussaieff.

Stewart er farin af landi brott til Grænlands þar sem hún ætlar að dvelja næstu sex daga. 

Stewart sat fyrr á árinu fyrir á forsíðu Sports Illustrated, sú elsta til þessa, en Stewart er 81 árs.

Sjá einnig: Martha Stewart brýtur blað í sögu Sports Illustrated