Samfélagsmiðlastjarnan og áhugahnefaleikakappinn Jake Paul er sagður vera að slá sér upp með hollensku íþróttkonunni Jutta Leerdam, sem hefur hlotið viðurnefnið „kynþokkafyllsti skautahlaupari í heimi“ hjá erlendum fjölmiðlum.
De Telegraaf greinir frá því að Jake, 26 ára, og Jutta, 24 ára, hafa verið að tala saman í marga mánuði og að rómantíkin hafi kviknað á Instagram.
„Jutta var í Miami fyrir nokkrum vikum og er komin aftur til að sjá sýninguna hans,“ segir heimildarmaður hollenska fjölmiðilsins.
Jutta kláraði síðasta tímabil með stæl og varð heimsmeistari í þúsund metra skautahlaupi í byrjun mars.
„Ég trúi því ekki að tímabilið sé búið og ég trúi ekki að ég var bara að klára hið fullkomna tímabil,“ sagði hún í færslu á Instagram.
View this post on Instagram
Jake Paul var áður í sambandi með Juliu Rose, sem varð heimsþekkt árið 2020 fyrir að flassa brjóst sín fyrir framan myndavélar á World Series hafnaboltaleik. Eftir það var hún bönnuð fyrir lífstíð á hafnarboltaleiki MLB-deildarinnar. Hún nýtur mikilla vinsælda á Instagram með um milljón fylgjendur.
Jutta var áður með skautahlauparanum Koen Verweij.
