Það hefur ekki farið fram hjá landsmönnum að Gísli Marteinn Baldursson er snúinn aftur á skjái landsmanna í þætti sínum Vikan með Gísla Marteini.

Þar er iðulega slegið á létta strengi og til að mynda hefur kynningarefni þáttanna undanfarið verið með vísan í þá gagnrýni sem þátturinn hefur fengið á samfélagsmiðlum.

Með endurkomu Gísla Marteins kemur líka hinn frábæri liður í þáttunum þar sem farið er yfir fréttir vikunnar, oft á léttu nótunum en gjarnan með smá biti.

Til að mynda tók Gísli í gær fyrir nýjasta hneykslið úr skákheiminum þar sem heimsmeistarinn Magnus Carlsen dró sig úr keppni þar sem brögð hefðu verið í tafli í keppninni. Gísli rakti þetta svona:

„Magnus Carlsen, heimsmeistari í skák, dró sig úr keppni á skákmóti í Bandaríkjunum eftir óvænt tap fyrir Hans nokkrum Niemann og lætur að því liggja að hann hafi svindlað.“

Við þetta tók Gísli upp endaþarmskúlur með fjarstýringu, en það mun ekki vera fastur liður í þáttunum heldur var um sérstakt tilvik að ræða. Gísli hélt nefnilega áfram:

„Niemann er sakaður um að hafa komið hjálpartækjum ástarlífsins fyrir í óæðri endanum en félagi hans hafi sent honum skilaboð með því að láta kúlurnar titra með fjarstýringu. Þetta er ekki grín. Þannig hafi Niemann náð að skjóta Carlsen ref fyrir……..rass. Þetta getur sannarlega verið öflugt vopn í skákinni nema menn séu beinlínis að tefla við.. páfann. En eitt sem er óhætt að segja – það er titringur í skákheiminum.“

Endaþarmskúlurnar skutu aftur upp kollinum síðar í þættinum þar sem Gísli og gestir tóku bakföll af hlátri yfir meintu svindli Niemanns.

Elska þessa mynd. Myndavélin bætir við 2kg og það eru fimm camerur á mér og ég er að halda á rasskúlum sem titra mjög fyndilega. Takk fyrir kvöldið! #vikan https://t.co/dLJdIBjTbm

— Gísli Marteinn (@gislimarteinn) September 16, 2022

Gísli skaut einnig föstum skotum á Bjarna Benediktsson fjármálaráðherra í fréttum vikunnar.

„Að öðru Evrópumótið í körfu er á fullu þar eru Íslendingar ekki með en við erum hins vegar Evrópumeistarar í körfu, það er að segja matarkörfu sem er einna dýrust hér í heimi og tilkynnt var í vikunni um enn meiri hækkun þegar Bjarni Ben ákvað að hækka áfengið, þrátt fyrir að hafa sagt síðast þegar hann hækkaði það þetta:“

Gísli Marteinn spilaði þá myndbrot þar sem má heyra Bjarna segja : „Það er mín skoðun að við séum komin algjörlega út í ystu mörk í skattlagningu á áfengi.“

Gísli sagði þá: „Ystu mörk. Segir okkar besti maður. Sannkallaður brautryðjandi hann Bjarni. Búinn að koma áfengisgjöldunum  inn í nýjar og ónumdar lendur – út fyrir ystu mörk. Sem betur fer var sett myndavél á nýja áfengisgjaldið á ferðalagi þess um fjarlæg sólkerfi skattheimturnar og fyrstu myndirnar voru að berast held við séum með þær hérna tilbúnar fyrir ykkur.“

Gísli sýndi þá mynd af geimnum og þrykkti svo inn út fyrir endimörkin allt þar til þrykkt var svo út og þá vorum svið stödd í kampavínsglasi í höndum fjármálaráðherra.

„Bíðum nú við þarna eru ystu mörk og við förum út fyrir ystu mörk. Bíddu nú við hvar erum við lent. Ég sé ekki betur, ég held þetta sé garðveisla á flötunum í Garðabæ. Einn af örfáum stöðum í sólkerfinu þar sem fólk hefur nú efni á að fá sér.“

Eins og sjá má höfðu netverjar gaman af rassakúlu gríninu.

Sá ekkert #ad eða #keyptisjalfur hjá innslaginu um analkúlurnar. Frekar villandi fyrir saklausan almúgann sem fylgist með áhrifavöldum #vikan

— Elísa Snæ (@elisasnae) September 16, 2022

Hvaða merki af kúlum er þetta @gislimarteinn? #vikan

— Kinkmálaráðherra🖤❤💙🤍 (@OrhildurL) September 16, 2022

Gísli Marteinn vel kinki í kvöld með analkúlurnar #vikan

— Aron Kristinsson (@AronKristinsson) September 16, 2022

Ég nötra af spenningi #vikan

— Petur Maack (@petur_maack) September 16, 2022

Fólk að prjóna og hlusta á titrara í beinni. Í næstu viku koma starfsmenn slippfélagsins og horfa á málningu þorna #vikan

— Halldór Örn (@halldororn11) September 16, 2022

Hér má horfa á þáttinn frá því í gær og mælir blaðamaður sérstaklega með því að lesendur horfi til að sjá eftirminnilega eftirhermur Eyþórs Inga Gunnlaugssonar tónlistarmanns sem tók fyrir Jakob Frímann, Pál Óskar, Bubba og fleiri í þættinum, en hæfileikar hans í eftirhermunum eru til fyrirmyndar.