Grínistinn Pete Davidson tekur fyrir að hann hafi deitað söngkonuna Olivia O‘Brien – en hún hélt því fram í hlaðvarpsþættinum BFFs fyrr í vikunni að þau hefðu átt í stuttu ástarsambandi fyrir tveimur árum.
Olivia sagði að hún og Pete hefðu verið að hittast um stutt skeið í október 2020 en hann hefði sagt henni upp í gegnum smáskilaboð þegar hann byrjaði að deita leikkonuna Phoebe Dynevor.
Sjá einnig: Segist hafa átt í stuttu ástarsambandi við Pete Davidson
Talsmaður Pete Davidson sagði í samtali við E! News að þetta væri ekki satt. „Það er ekki sannleikskorn í þessu,“ sagði hann og bætti við að þau hefðu „verið vinir og eytt nokkrum sinnum tíma saman.“
Pete og Phoebe, sem er hvað þekktust fyrir leik sinn í vinsælu Netflix-þáttunum Bridgerton, héldu sambandi sínu leyndu í hálft ár. Það var ekki fyrr en í apríl 2021 þar sem fjölmiðlar greindu frá því fyrst. Parið hætti saman í ágúst 2021. Grínistinn hefur verið í sambandi með raunveruleikastjörnunni Kim Kardashian síðan í nóvember í fyrra.