Í sex vikur var heimurinn gagntekinn af meiðyrðamáli leikarans Johnny Depp gegn fyrrverandi eiginkonu sinni Amber Heard. Depp hafði betur og voru honum dæmdar 15 milljónir Bandaríkjadala í bætur. Kviðdómur féllst á gagnkröfu Heard að hluta og voru henni dæmdar tvær milljónir Bandaríkjadala í bætur.

Sjá einnig: Johnny Depp hafði betur gegn Amber Heard

Eitt af því sem var tekist á um í málinu var atvik sem átti sér stað í Ástralíu sem lauk með því að Depp þurfti að leita læknisaðstoðar eftir að það skars framan af fingri hans.

Heard hélt því fram að hann hafi skorið sig er hann barði hörðum síma úr plasti í vegginn, en Depp sagði að hann hafi tapað fingrinum er Heard henti í hann vodkaflösku.

Um tíma var eins og Dakota Johnson yrði dregin inn í málið. Í viðtali fyrir Vanity Fair bregst hún við myndbandsklippu sem fór eins og eldur í sinu um netheima í kringum réttarhöldin.

Myndbandið var titlað: „AKKÚRAT augnablikið þegar Dakota Johnson VISSI að Amber Heard hefði beitt Johnny Depp OFBELDI.“

Í myndbandinu virðist Depp sýna Johnson slasaðan fingur sinn á meðan þau voru að kynna kvikmyndina Black Mass á kvikmyndahátíð í Venice árið 2015. Johnson segir að öll þessi athygli í kringum dreifingu myndbandsins hefði gert hana óttaslegna um að hún yrði fengin til að bera vitni í málinu.

„Ég var alveg: „Í Guðanna bænum, af hverju? Af hverju er verið að blanda mér í þetta?“ Ég mundi alls ekki eftir þessu, en vinsamlegast takið mig úr þessu. Ekki leyfa þessu að fara lengra. Gætirðu ímyndað þér, guð minn góður, ef ég yrði látin bera vitni?“

Johnson var ekki kölluð í vitnisstúkuna, sér til mikillar ánægju. Hún viðurkennir að hún hafi verið hneyksluð yfir áhuga almennings á málinu.

„Ég átti erfitt með að trúa hversu margir voru límdir við skjáinn að fylgjast með réttarhöldunum, eins og þetta væri einhver sjónvarpsþáttur,“ segir hún.

„Þetta var svo klikkað. Fólk er svo fokking skrýtið. Internetið er villtur, villtur staður.“