Kylie Jenner og Travis Scott hafa verið harðlega gagnrýnd fyrir að mæta með fjögurra ára dóttur sína, Stormi, á Billboard verðlaunahátíðina á dögunum í því sem sumir hafa kallað „óviðeigandi“ kjól.

Travis kom fram á hátíðinni sem var haldin á sunnudag í Las Vegas og er þetta í annað skiptið sem hann kemur fram eftir Astroworld tónleikana í nóvember 2021 þar sem tíu manns létust í troðningi.

Kylie og Travis eignuðust annað barn í febrúar, sem um tíma hét Wolf en þau hættu síðan við það nafn og hefur enn ekki verið tilkynnt um nýja nafn drengsins.
Á „rauða“ dreglinum í Las Vegas um helgina var Kylie í glæsilegum kjól frá Balmain en Stormi litla var í rjómalitum kjól og strigaskóm.

Það sem hefur farið fyrir brjóstið á ýmsum er að kjóll Stormi var stuttur, þröngur og bara með einum hlýra þannig að önnur öxlin var ber. Flest venjulegt fólk getur þó verið sammála um að þetta var bara sætur kjóll á lítilli stelpu. En þau sem voru á annarri skoðun sáu sig knúna til að deila því á Twitter.

Einni sem var misboðið sagði Stormi klædda eins og hún væri 22ja ára en ekki 4ra ára.

I’m sry but why did they dress Stormi like she’s 22 this child is literally *4* years old this is so weird to me lol pic.twitter.com/GupkhXaXF3

— Emily (@emilybernay) May 16, 2022

Önnur líkti kjólnum við klæðnað strippara.

Why would she’s dress a sweet girl in a dress that strippers wear? No good mother would dress her baby girl that…so disturbing

— rose (@Scarlettbaby77_) May 16, 2022

Og sú þriðja gekk svo langt að segja foreldrana hafa klætt Stormi litlu eins og hóru.

Í tvítinu, sem nú er búið að eyða, skrifaði hún: „I am pissed how could you do this bring her to an award show filled with people where she can get Covid and then dress Stormi as a hooker.“ eða „Ég er brjáluð. Hvernig fenguð þið af ykkur að taka hana með á fjölmenna verðlaunahátíð þar sem hún gæti fengið Covid og klætt Stormi einsw og hóru.“

Þetta umdeilda tvít vakti mikla athygli og var til að mynda fjallað um það á Pop Buzz en það var að finna í þessum þræði 

Þrátt fyrir að því hafi verið eytt sjást hins vegar enn svör til konunnar þar sem fólk segir til að mynda:

„Stormi var dásamleg. Hóra? Þú, Monika, ert sú sem þarft á hjálp að halda.“

„Það er mjög truflandi að þú, fullorðin manneskja, sért að kalla BARN hóru.“