Bradley Fox-Jones hafði skipulagt það um nokkra hríð að fara á skeljarnar og biðja kærasta síns, Joshua Barker. Átti þetta að gerast á fjögurra ára sambandsafmæli þeirra. En öðruvísi fór en áætlað var – en á besta veg þó.

Að sjálfsögðu hafði Bradley skipulagt að taka bónorðið upp á myndband. Þeir höfðu skellt sér til Krítar í sína fyrstu utanlandsferð saman og taldi Bradley þetta fullkomið tækifæri fyrir eftirminnilega trúlofun. Bradley ákvað að þetta myndi gerast á ströndinni þegar sólin væri að setjast enda afar rómantískt. Bradley sagði í samtali við fjölmiðla að fyrir stóru stundina hafi þeir skellt sér á barinn enda þurfti Bradley að róa taugarnar án þess að gefa nokkuð upp um það óvænta sem var í vændum fyrir kærastann. „Ég vissi að ég þyrfti þá [nokkra drykki] Ég var svo alltaf að bregða mér á salernið til að hringja í vini og fjölskyldu til að fá stuðning. Ég var mjög stressaður. Ég var búinn að æfa það að fara niður á eitt kné mánuðum saman.“

En svo þegar á hólminn var komið var það Joshua sem náði að vera á undan á skeljarnar.

„Þegar Joshua bað mín fékk ég áfall, það er kjánalegt að segja frá því en það eina sem ég náði að segja var – í alvöru?“

Á myndbandi af þessari stóru stund sést Joshua skella sér á skeljarnar og biðja Bradley. Bradley gerði svo slíkt hið sama á móti.

Eftir þetta áttu þeir dásamlegt frí saman.

@bradleyfoxjones Happiest day of our lives #doubleengagement #engagement #engaged #gay #greece #love #gayengaged ♬ original sound – iconic films