Enn er hlegið að tilraunum Brooklyn Beckham til að staðsetja sig sem ,,stjörnukokk” en í nýjasta myndbandi sínu á samfélagsmiðlum sýnir hann hvernig blanda skuli gin og tónik. 

Í myndbandinu segist hann vera afar framsækinn í gerð kokteila og hafa gaman af að leika sér með hráefnin. Því næst blandar hann meðal annars gin og tónik og eru hráefnin jú, gin og tónik. 

Áður hefur elsti sonur knattspyrnugoðsins og kryddpíunar fyrrverandi skemmt áhorfendum með uppskriftum sínum, til að mynda af pizzu og samloku. 

Brooklyn er nýkvæntur milljónaerfingjanum Nicole Pelz, eins og frægt er orðið, en hefur verið leitandi hvað varðar starfsframa.

Á tímabili kynnti hann sig sem ljósmyndara en nú á eldamennskan hug hans allan.

Í myndbandinu segist hann hafa notið þess í gegnum árin að fara á pöbbinn með vinum sínum en þar sem hann sé nú kvæntur sínum besta vini, finnist honum best að vera heima og elda og blanda drykki handa frúnni. 

Í athugasemdum við myndbandið virðist fólk virðist ekki almennilega vita hvernig taka skuli nýjust uppskrift Brooklyn.

Uppskriftarmyndbönd hans eru sögð með þeim dýrustu sem vitað er um og komi tugir myndatökumanna, stílista, förðunarfræðinga, klippara og fleiri að gerð hvers myndbands. Mamma og pabbi hafa hingað til borgað reikningana.

En þar sem nýja eiginkonan er milljónaerfingi, reyndar er faðir hennar þrisvar sinnum ríkar en David og Victoria, er hugsanlegt að það komi til með að breytast. 

Sumir telja að um grín sé að ræða en aðrir telja líklegra að verið sé að gera grín að Brooklyn, það er að fólk í kringum hann sé hreinlega að draga hann áfram á asnaeyrunum. 

,,Ég var farin að blanda gin og tónik fyrir foreldra mína þegar ég var átta ára,” segir meðal annars í athugasemd við myndband kokksins unga. ,

,Of mikið af peningum, algjör skortur á hæfileikum,“ bætir annar við.