Flestir kannast við algengustu einkenni hjartaáfalls – verkur fyrir brjósti, svimi og sundl. Rannsókn hefur þó bent til þess að merki geti komið fram allt að mánuði áður en hjartaáfallið á sér stað.
Sérfræðingar við læknaháskólann í Arkansas komust að því að 95 prósent af þátttakendum í rannsókn þeirra höfðu fundið fyrir óvenjulegum einkennum jafnvel rúmum mánuði áður en þeir fengu hjartaáföll. Þessi einkenni gengu svo yfir eftir áfallið.
Þessi einkenni voru eftirfarandi sjö:
Í samtali við The Sun sagði einn sérfræðingurinn að það væri einnig fjöldi annara einkenna sem fólk gæti fundið fyrir. Hefðbundnu einkennin væru verkur fyrir brjósti, þyngsl fyrir brjósti – en þetta gæti gefið til kynna að hjartavöðvinn sé ekki að fá nægilega mikið súrefni í blóði. Svo gæti komið máttleysi í fótum og höndum.
„Önnur einkenni hjartasjúkdóms gætu verið mæði, hjartsláttartruflanir (þegar fólk finnur fyrir hjartslætti sínum) Þetta getur valdið kvíða, heitum svita og svima og sundli sem og þreytu. Allt eru þetta merki um að líkaminn sé ekki að fá nægilega mikið súrefni,“ sagði læknirinn Anushka Patchava. Eins gæti fólk fengið bólgur í útlimi, tær og fingur gætu tekið á sig bláan blæ og þetta sé allt merki um að fólk gæti fengið hjartaáfall.
Eins gæti fólk fundið fyrir verkjum í kjálka eða orðið óglatt.
Patchava sagði að það væri mikilvægt að halda streitu í lágmarki og nýta tól á borð við núvitund og hugleiðslu. Streita sem og andleg veikindi á borð við þunglyndi geti valdið aukinni hættu á hjartasjúkdómum.
