Aðili sem kallaði sig Brynjar Berg á Twitter birti í vikunni mynd af kvittun sem hann sagði sýna greiðslu sem hann hafi fengið frá breska götublaðinu TheSun fyrir að hafa selt blaðinu mynd af fótboltamanninum Phil Foden þar sem hann stóð með rassinn berann á Hótel Sögu hér um árið.
Sjá einnig: Brynjar birtir ótrúlega upphæð sem hann fékk frá ensku götublaði fyrir frægustu rassamynd í sögu Íslands
Þar var vísað í frægt mál sem setti samfélagið í Bretlandi sem og hér heima á hliðina um stund árið 2020 en þá fóru frænkurnar Nadía Sif Líndal og Lára Clausen upp á hótelherbergi með tveimur fótboltaköppum, þrátt fyrir stífar sóttvarnarreglur vegna COVID. Mennirnir tveir voru í kjölfarið reknir úr enska landsliðinu.
Málið var efst á baugi hjá flestum miðlum landanna tveggja, en í kjölfarið fengu þær Lára og Nadía Sif yfir sig mikla drusluskömm og voru úthrópaðar og smánaðar á netinu.
Brynjar þessi sagðist hafa fengið 700 þúsund fyrir myndina sem í reynd var ekki tekin af honum heldur skjáskot af mynd sem að Lára Clausen hafði tekið umrætt kvöld.
Nadíu Sif var ekki skemmt yfir því að Brynjar þessi hafi grætt á máli sem olli henni miklum sársauka og skaða.
„Svo flottir gaurar, gera ekki annað en að monta sig á þessu. Ættu að hafa prófað að upplifa smá af þessu ógeðslega hatri sem við fengum og allt ógeðið sem kom út af þessari vitleysu. Er orðlaus að þeir séu ennþá að monta sig yfir þessu. Það sýður á mér.“
Upp hófust nokkuð líflegar rökræður milli Nadíu, Brynjars og fleiri. Fór það svo að Brynjar er ekki lengur á Twitter.
Svo flottir gaurar, gera ekki annað en að monta sig á þessu. Ættu að hafa prófað að upplifa smá af þessum ógeðslega hatri sem við fengum og allt ógeðið sem kom út af þessari vitleysu. Er orðlaus að þeir séu ennþá að monta sig yfir þessi. Það sýður í mér. https://t.co/FB0zWo9366
— Nadia Sif Líndal (@NadiaLindal) November 18, 2022