Sjöfn Þórðar er með þátt sinn, Matur og heimili, á Hringbraut í kvöld kl. 19 og aftur kl. 21.
Að þessu sinni heimsækir Sjöfn Þórðar Bryndísi Stellu Birgisdóttur innanhússhönnuð í stórglæsilega penthouse-íbúð hennar á Mýrargötuna sem hún hannaði og innréttaði sjálf eftir sínum draumastíl. Þar er mínimalískur stíll í forgrunni í bland við ólíkan efnivið og hráleika.
Síðan liggur leið Sjafnar á veitingastaðinn Monkeys sem opnaði á síðasta ári og hefur vakið athygli fyrir framandi og frumlega matargerð með áhrifum frá Japan og Perú. Og ekki síst fyrir ævintýralega upplifun eins og þema staðarins býður upp á. Sjöfn hittir þar Gunnar Rafn Heiðarsson rekstrarstjóra staðarins og Snorra Grétar Sigfússon sem fletta ofan af sögu staðarins, hönnuninni og matargerðinni sem býður meðal annars uppá rétti sem ekki hafa sést hér á landi áður.
Í spilaranum hér fyrir neðan má sjá brot úr þætti kvöldsins.
Matur & Heimili - Stikla 11. janúar 2022
