Þær sögur eru háværar að stórleikarinn Brad Pitt og ofurfyrirsætan Emily Ratajkowski séu að stinga saman nefjum. Talsverður aldursmunur er á parinu en Pitt er 58 ára gamall á meðan Ratajkowski er 31 árs gömul. Í byrjun september var greint frá því að fjögurra ára hjónabandi hennar og Sebastian Bear-McClard væri lokið en hermt er að hann hafi haldið framhjá fyrirsætunni.
PageSix greindi frá þessum stórtíðindi í heimsslúðrinu. Pitt og Ratajkowski, sem yrðu í einni andrá eitt glæsilegasta par heims, eru þó sögð fara sér hægt í sakirnar. Þau séu að hittast en séu langt frá því að vera komin í formlegt samband.
Pitt hefur varla verið við kvennmann kenndur síðan að hjónabandi hans og Angelinu Jolie lauk. Enn stendur yfir forræðisdeila milli stórstjarnanna sem eiga sex börn saman. Tvö þeirra, Maddox (21) og Pax (18) eru komin í fullorðins manna tölu og því stendur deilan um hin börnin fjögur – Zahara (17), Shiloh (16) og tvíburanna Vivienne og Knox (14).
