Á Kjalarnesi er nú til sölu gullfallegt finnst bjálkahús. Húsið er ævintýralega óhefðbundið og minnir helst á sumarhús eða risa ævintýrakofa beint af síðum sögubókar.

Eignin skiptist í jarðhæð, efri hæð, bílskúr og svo glæsilegan gróinn garð.

Á jarðhæðinni má finna tvö svefnherbergi, eldhús sem er opið í stofu, baðherbergi, þvottahús og svo forstofu. Svo er þar að finna hvorki meira né minna en þrjá innganga. Aðalinngang í forstofu, svo inngang í stofu af verönd og svo inngang úr þvottahúsi út í garð. Kynding á hæðinni er í gólfi.

Svo er það efri hæði. Þar má finna tvö herbergi, lítið salerni og rúmgóða stofu þar sem útgengt er á suðursvalir með útsýni til Esjunnar. Úr glugga í stofu má svo líta fallegt útsýni yfir Sundin og Reykjavík.

Bílskúrinn er 35 fermetrar að stærð og hefur stórt geymsluljós. Það er þó garðurinn sem hjálpar eigninni að vera einstaklega ævintýraleg. Garðurinn er fallegur og gróinn og má þar finna fjölbreytta fjölæringa. Eins má þar finna lítið gróðurhús og ræktunarkassa.

Búið er að helluleggja svæði í garðinum og setja þar upp skjólveggi, en samkvæmt auglýsingu er upplagt að nýta það svæði til að grilla. Við framhlið hússins er svo góð verönd til suðurs.

Mosfellsbær er svo í aðeins 12 km fjarlægð svo hér er á ferðinni tækifæri fyrir fólk til að komast aðeins út úr ys og þys borgarinnar án þess að fara þó of langt frá þægindum borgarlífsins.

Nánar má kynna sér eignina á fasteignavef DV