Romeo Beckham, næstelsti sonur David og Victoriu Beckham, er orðinn einhleypur að nýju. Romeo, sem er 19 ára gamall, hefur undanfarin þrjú ár átt í ástarsambandi við Miu Regan, fyrirsætu og áhrifavald, sem búsett er í London en nú hefur metnaður piltsins í fótbolta gert það að verkum að hann ákvað að ljúka sambandinu. Romeo spilar nefnilega fótbolta fyrir varalið Inter Miami, sem er í eigu föður hans. Eðli málsins samkvæmt býr hann því vestanhafs og reyndist fjarsambandið því parinu um megn.

Samkvæmt umfjöllun The Sun þá var Mia orðin náin Beckham-fjölskyldunni, ekki síst Victoriu sem starfar einnig mikið í tískubransanum.

Romeo hefur verið að taka stórstígum framförum í boltanum og á dögunum skoraði hann sigurmark varaliðs Inter Miami gegn Orlando með glæsilegu marki úr aukaspyrnu sem sjálfur faðir hans hefði verið stoltur af.