Myndir af stórsöngkonunni Adele, teknar fyrr í vikunni, hafa vakið nokkra athygli en varir söngkonunnar virðast öllu þéttari en áður. Adele sló ærlega í gegn árið 2008 með skífunni 19 og síðan þá hefur hún sópað að sér 15 Grammy verðlaunum, 18 Billboard Music verðlaunum, Golden Globe verðulaunum. Og einum óskari í ofanálag. En augu heimsins hafa einnig verið á útliti hennar og er Adele gjörólík í útliti stúlkunni sem skaust upp á stjörnuhimininn aðeins 19 ára gamalli.

Adele hefur alltaf verið opin um að ræða útlit sitt, ekki síst kröfur skemmtanageirans um örgrannan vöxt. Snemma á ferli sínum sagði hún það ekki angra sig, móðir hennar hefði kennt henni að vera hún sjálf og láta ekki undan óraunhæfum þrýstingi frá einum né neinum. Stjarnan hefur alltaf haldið fram af festu boðskap um jákvæða líkamsímynd og aftekur með öllu að breytingar á útliti séu komnar til vegna löngunar í grennri vöxt. Hún segist aftur á móti hafa haft áhyggjur af heilsufari sínu, ekki síst eftir fæðingu sonar síns, og því tekið upp hollari lífsstíl sem hafi skilað sér í þyngdartapi.

Engar lýtaaðgerðir

Adele segist aldrei hafa farið í lýtaðagerð og stefni ekki á slíka, Hún hafi einfaldlega betra aðgengi að stílístum, hárgreiðslu- og förðunarmeisturum sem hafi breytt ásýnd hennar.

Sérfræðingar telja aftur á móti að Adele hafi fengið hjálp lýtalækna við umbreytinguna. Hún hafi látið breyta nefi sínu og kjálkalínu, látið setja í sig Botox og fengið fyllingar í kinnar og varir. Þeir eru einnig til sem eiga bágt með að trúa að tæplega 50 kílóa þyngdartap hennar sé einvörðungu matarræði og hreyfingu að þakka, þar hafi skurðaðgerðir einnig átt sinn þátt.

Hér má sjá nokkrar myndir af Adele og breyttu útliti hennar í gegnum árin og dæmi nú hver fyrir sig.