Britney gekk í það heilaga með Sam Ashagri þann 9. júní síðastliðinn. Hún birti nokkrar myndir frá stóra deginum á Instagram og skrifaði móðir hennar við eina færsluna:
„Það geislar af þér og þú virðist vera svo hamingjusöm! Brúðkaupið þitt er „drauma“ brúðkaupið! Og að halda það heima hjá þér gerir þetta svo fallegt og sérstakt. Ég er svo hamingjusöm fyrir þína hönd! Ég elska þig!“
View this post on Instagram
Lynne Spears var ekki eini fjölskyldumeðlimurinn sem fékk ekki boðskort. Faðir Britney, Jamie Spears, var ekki á gestalistanum og ekki heldur litla systir hennar, Jamie Lynn Spears.
Í janúar steig Jamie Lynn fram í viðtali til að ræða um sjálfsævisögu sína „Things I Should Have Said.“ Í viðtalinu fór hún með ýmsar staðhæfingar og ræddi einnig um hegðun Britney í gegnum árin.
Britney gagnrýndi viðtalið og sagði fjölskylduna hafa eyðilagt drauma sína.
Sjá einnig: Britney Spears rýfur þögnina um viðtal systur sinnar – „Hún fékk allt upp í hendurnar!“
Jamie Lynn hefur ekki tjáð sig opinberlega um brúðkaup systur sinnar en líkaði við færslu E! News á Instagram um það. Söngkonan hefur ekki svarað athugasemd móður sinnar eða tjáð sig um viðbrögð systur sinnar á samfélagsmiðlum.
Britney lokaði á móður sína fyrir nokkrum árum og hefur farið ófögrum orðum um hana á samfélagsmiðlum.
Í nóvember í fyrra skrifaði hún harðorða færslu á Instagram þar sem hún sakaði móður sína um að eiga hlut í sjálfræðissviptingunni.
„Pssss pabbi minn kom því kannski á að ég var sjálfræðissvipt fyrir 13 árum… en það sem fólk veit ekki er að það var mamma mín sem gaf honum hugmyndina. Ég mun aldrei fá þessi ár til baka. Hún eyðilagði líf mitt úr launsátri,“ sagði hún.
