Saga Garðarsdóttir, leikkona, handritshöfundur og grínisti, er um þessar mundir stödd í sól og sælu á Kanaríeyjum ásamt eiginmanni sínum, tónlistarmanninum Snorra Helgasyni, og dóttur þeirra, Eddu Kristínu.
Fjölskyldan flaug út í sólina um jólin og nýtur þar lífsins. Að sjálfsögðu hefur Saga deilt myndum úr fríinu á Instagram-síðu sinni en á myndunum má til dæmis sjá að fjölskyldan hefur skellt sér á ströndina og horft á kvikmyndina Matrix.
Ein mynd sem Saga deilir hefur þó vakið meiri athygli en hinar, það er mynd sem hún tók af sér í sólbaði á sólbekk. Myndin vakti til dæmis athygli Fréttablaðsins sem fjallaði um hana fyrr í dag en Saga er berrössuð á myndinni.
„Live love and dont forget to put past in the past,“ skrifar hún við myndina sem sjá má hér fyrir neðan.
