Kona að nafni Carolyn hefur vakið mikla athygli á TikTok eftir að hún deildi ströngum reglum sem fyrrverandi kærasti hennar krafðist að hún færi eftir á meðan hún bjó á heimavist og sótti tíma í háskóla.
„Ég vil bara segja að svona hegðun er ofbeldi,“ segir hún í myndbandinu og segist í dag sjá að fyrrverandi samband hennar einkenndist af ofbeldi og ótrúlegri stjórnsemi.
„Ég hugsaði að það gæti verið fyndið að lesa fyrir ykkur reglurnar sem klikkaði stjórnsami fyrrverandi sendi mér áður en ég byrjaði í háskólanum.“
Fyrrverandi kærastinn ætlaðist til þess að fá að fylgjast með öllum ferðum hennar, stýra því hverju hún klæddist, stýrði því hvort hún færi út að skemmta sér eða ekki og ætlaðist líka til þess að Carolyn sannaði á hverju kvöldi að hún væri ekki að hitta aðra menn.
„Reglur fyrir Carolyn:
Lestu þetta vel
Ekki hundsa mig eftir að þú lest þetta
Aldrei slökkva á smáforritinu life360, Find my Iphone eða staðsetningunni á Snap
Öll föt sem þú klæðist þurfa að vera samþykkt af mér og mömmu
Ekki koma nær öðrum karlmönnum en 7 metra
Alls ekki drekka
Engir magabolir eða þröngur fatnaður
Vertu komin á heimavistina klukkan 21:00 á hverju kvöldi og hringdu í mig á Facetime svo ég viti að þú ert ein
Engin háskólapartý
Ekki klæðast fötum sem aðrir karlmenn eiga
Ekki bera saman handstærðir með öðrum mönnum, ekki faðma, ekki kyssa og svo framvegis
Aldrei taka af þér hringinn sem ég gaf þér“
Carolyn benti á að hefði hún farið eftir reglunum hefði hún ekki fengið að upplifa háskólalífið eins og það á að vera, mögulega deyja úr vökvaskort og þurfa að skrá sig úr öllum fögum þar sem hún gæti ekki tryggt 7 metra milli sín og næsta karlmanns.
Hún fylgdi eftir myndbandinu með öðru þar sem hún svaraði spurningum sem margir höfðu beint til hennar eftir að hún birti reglurnar.
„Það var þarna sem ég gerði mér grein fyrir að eg vildi ekki vera í þessu sambandi lengur og ég gerði honum það fullkomlega ljóst,“ sagði hún.
„Til allra sem verða fyrir andlegu ofbeldi, líkamlegu ofbeldi, þá er þetta aldrei í lagi,“ sagði hún og benti þeim sem eru sambærilegum aðstæðum á að leita sér aðstoðar.
@ccarollynni wish i was joking
