Nýjasta útspil Twitter er viðbótin „Tip Jar“ þar sem notendur geta sent hvorum öðrum pening. Twitter hefur hafið tilraunir með viðbótina í Bandaríkjunum og geta notendur þar fengið sendan pening frá fylgjendum sínum.
Peningarnir sendast með leiðum á borð við PayPal eða CashApp. CashApp er forrit líkt Aur og Kass hér á landi. PayPal tekur 33% þóknun en CashApp 0%. Twitter tekur einnig 0% þóknun fyrir peninginn sem sendur er í gegnum forritið.
show your love, leave a tip
now testing Tip Jar, a new way to give and receive money on Twitter 💸
more coming soon… pic.twitter.com/7vyCzlRIFc
— Twitter (@Twitter) May 6, 2021
Það að Twitter taki 0% þóknun vekur athygli vegna þess að þeir leyfa alla nekt á miðlinum sínum. Facebook og Instagram eyða út færslum sem innihalda nekt en ekki Twitter. Þá gæti Twitter breyst í nýja OnlyFans þar sem sú síða tekur 20% þóknun fyrir greiðslur.
It’s worth remembering that @Twitter‘s the only major social network that allows full nudity…
and Twitter takes $0 of Tip Jar…
and OnlyFans takes 20%…
— Jack Appleby (@JuiceboxCA) May 6, 2021
Það ætti því að vera lítill leikur fyrir Twitter-notendur að selja nektarmyndir og myndbönd inni á miðlinum. Allir 13 ára og eldri geta skráð sig á miðilinn en á OnlyFans er 18 ára aldurstakmark.
OnlyFans-umræðan hefur tröllriðið öllu upp á síðkastið. Íslendingar sem selja efni á miðlinum hafa stigið fram og Íslendingar keppast við að lofa eða lasta umræðuna.