Reynir Bergmann, eigandi Vefjunnar og áhrifavaldur, hefur verið harðlega gagnrýndur fyrir ummæli sín varðandi mál Sölva Tryggvasonar fjölmiðlamanns sem hefur verið kærður til lögreglu af tveimur konum vegna ofbeldis.
Reynir tjáði sig um málið í Instagram Story í gær og sagðist vera „Team Sölvi.“
„RB er team fokking Sölvi Tryggva. Mellur og vændiskonur fokkið ykkur,“ segir Reynir í myndbandinu og gefur myndavélinni puttann.
Reynir hefur síðan þá fjarlægt myndbandið og dregið ummæli sín til baka, eftir að hann var „skammaður“, að hans sögn.
En upptöku af myndbandinu var deilt á Twitter með yfirskriftinni: „AFHVERJUUUUU fá svona kallar platform???? Þetta er í alvöru svo ógeðslega ljótt.“
AFHVERJUUUUU fá svona kallar platform???? Þetta er í alvöru svo ógeðslega ljótt pic.twitter.com/FG7WLDiTI5
— Ásdís María 🇮🇸🇮🇸 (@Disamariaa) May 6, 2021
Myndbandið á Twitter hefur fengið yfir 5500 áhorf þegar fréttin er skrifuð. Netverjar gagnrýna Reyni harðlega og segir baráttukonan Sólborg Guðbrandsdóttir einfaldlega: „Éttu fokking skít Reynir.“
Éttu fokking skít Reynir. https://t.co/tETDvgBBUM
— Sólborg Guðbrands (@solborgg) May 6, 2021
Ég er ángrins frekar triggered af þessu myndbandi. Orðlaus yfir hvernig sumir hugsa. ÞAÐ MÁ EKKI BEITA VÆNDISKONUM OG MELLUM OFBELDI HELDUR REYNIR
— Ásdís María 🇮🇸🇮🇸 (@Disamariaa) May 6, 2021
Það er bara því miður risa markaður fyrir eitraða karlmennsku.
— Bragi Total Landscaping (@BragiGunnlaugss) May 7, 2021
Hvernig er hægt að vera svona illa innrættur… like, everytime þegar ég sé þennan kauða poppa upp
— Stefán Pettersson (@Stebbipett) May 6, 2021
Það er eitthvað að þessum manni
— sigurður sören (@siggividis) May 6, 2021
Í kjölfar „skamma“ dró Reynir ummæli sín til baka á Instagram í gær.
„Ég er að henda í bullandi afsökunarbeiðni. Það er búið að skamma mig. Auðvitað er ég ekki team neinn. Eða jú,“ segir Reynir og horfir á Sólveigu, kærustu sína, sem segir: „Nei, þú ert bara hlutlaus.“
„Ég er hlutlaus þar til sekt er sönnuð. Auðvitað dreg ég þetta til baka,“ segir Reynir og dregur puttann til baka.
„En mér finnst samt ljótt þegar fólk er bara tekið gjörsamlega af lífi án þess að það sé búið að dæma það. Mér finnst það gróft, mér finnst það mjög ljótt. Ég hef oft lent í því.“
DV hafði samband við Reyni vegna málsins. „Allir eru saklausir uns sekt er sönnuð punktur […] Ef hann er sekur þá á hann svo sannarlega skilið öll þessi ummæli og góðan dóm,“ sagði hann.
„Ég fyrirlít nauðgara og menn sem lemja konur og hika ekki við að taka svona menn af lífi [á Instagram] og geri það reglulega þegar dómar hafa verið felldir.“
Þetta er ekki í fyrsta skipti sem ummæli Reynis koma honum í vandræði. Í nóvember síðastliðinn var hann gagnrýndur fyrir ummæli sín um femínista.
Sjá einnig: Ummæli Reynis Bergmanns harðlega gagnrýnd – „Við vissum ekki að hann væri svona grófur“
