DNA-próf getur verið frábær gjöf fyrir fólk sem veit lítið um fjölskyldu sína og ættartré. En slík próf geta einnig haft ófyrirsjáanlegar afleiðingar eins og þegar bandarísk fjölskylda komst að því að Joseph, fjölskyldufaðirinn, væri ekki líffræðilegur faðir dóttur sinnar. Hjónin fóru í tæknifrjóvgun og það kom í ljós, 25 árum seinna, að sjúkrahúsið og frjósemisstofan notuðu sæði frá öðrum karlmanni.

Sjá einnig: Óhugnanleg fjölskyldusaga uppgötvaðist eftir DNA-prófið – Myrti eiginkonu, móður og börn sín

TikTok-notandinn Matilda greinir frá því að hana hafði langað til að læra meira um ættartré sitt, þar sem móðir hennar er ættleidd og hún hefur aldrei þekkt líffræðilegan föður sinn. Kærasti hennar kom henni á óvart og keypti DNA-próf fyrir hana. Hann ákvað að kaupa líka próf fyrir sig þar sem þau voru á afslætti.

@mattilathehunI dare you to imagine a more “white person in Saskatchewan” scenario than this ##fyp ##voiceeffects♬ original sound – bumble bee

Niðurstöðurnar komu þeim heldur betur á óvart. „Þannig komst ég að því að ég væri í sambandi með frænda mínum!!“ Segir Matilda í myndbandi á TikTok.

Matilda segir að í fyrstu hélt hún að þau væru fjórmenningar og ættu líklegast sömu langlangömmu og -afa. En við nánari athugun kom í ljós að þau eru þremenningar.

Matilda hætti með kærasta, og frænda, sínum nokkrum mánuðum seinna.

@mattilathehunReply to @jessicahalabi im a ✨content creator✨ now ##fyp ##GetCrocd ##GoForTheHandful ##FreeFreeDance♬ original sound – bumble bee