Fyrsti þáttur ársins hjá 12:00, myndbandsnefndar innan Verslunarskóla Íslands, kom út síðastliðinn föstudag.

Þátturinn var sýndur innan veggja skólans í síðustu viku og var samkvæmt meðlimum nefndarinnar mikil ánægja með þáttinn sem inniheldur grínsketsa og 3 lög. Lögin unnu þau í samstarfi við Tónhyl þar sem ungir og efnilegir tónlistarmenn fá að spreyta sig og starfa með allskyns listamönnum.

Í þættinum koma fyrir þó nokkrir landsþekktir einstaklingar sem vakti mikla athygli innan skólans. Hjálmar Örn Jóhannsson, Hannes Þór Halldórsson, Hjörvar Hafliða, Haffi Haff, Ívar Guðmundsson og Arnar Grant eru á meðal þeirra sem koma fram í þættinum.

Eyþór Wöhler og Emil Örn Aðalsteinnson eru formenn nefndarinnar. Þeir segja í samtali við blaðamann að það hafi farið blóð, sviti og tár í undirbúning fyrir þáttinn og eru þeir yfirhöfuð gríðarlega ánægðir með útkomuna. Covid hafði truflað útgáfu þáttarins og frestað henni um bil en þrátt fyrir erfiðleika hafa þeir fundið leiðir og leyst úr málunum.

„Við áttum í erfiðleika með að gefa þáttinn út í fyrra útaf veirunni allir og óvissan var mikill en við náðum að leysa úr þessu öllu saman, bransinn er brögðóttur og bröndóttur,“ segir Eyþór.

Það voru gleðitíðindi fyrir Nemendafélagið að fá loksins eitthvað efni þar sem félagslífið hefur verið sett á hliðina vegna veirunnar og miklar hindranir hafa gengið á í kjölfar hennar.

Nefnd 12:00 í ár skipa: Arnþór Páll Hafsteinsson Bjartur Jörfi Ingvason Emil Örn Aðalsteinsson Eyþór Aron Wöhler Gauti Björn Jónsson Guðlaug Embla Hjartardóttir Jóhann Þór Lapas Sindri Snær Vilhjálmsson Telma Ívarsdóttir og Þorri Jökull Þorsteinsson.

Hér fyrir neðan má horfa á þátt nefndarinnar í heild sinni: