Tónlistarmaðurinn Lionel Richie og söngkonan og lífstílsbloggarinn Lisa Parigi eru sögð hafa verið saman síðan árið 2014. Nú hefur aldursmunurinn á þeim vakið mikla athygli en rúm 40 ár eru á milli þeirra.
Það kannast flestir við Lionel Richie en hann hefur gefið út slagara sem allir þekkja á borð við Hello og All Night Long (All Night). Samband hans og Parigi hefur vakið mikla athygli á samfélagsmiðlum en þar ræðir fólk um aldursmuninn. Athygli er til að mynda vakin á því að hann hafi verið orðinn fertugur þegar hún var ekki fædd, Richie er fæddur árið 1949 en Parigi er fædd árið 1989.
Netverjar hafa nú skrifað sínar skoðanir á sambandinu en ekki eru allir sammála um ágæti þess. Á meðan sumir furða sig á þessum mikla aldursmuni eru aðrir sem sjá ekkert rangt við samband þeirra. „Þau eru bæði fullorðnir einstaklingar og gefa sitt samþykki er það ekki? Hvað er vandamálið?“ spyr til dæmis einn sem kemur parinu til varnar.
Þá gera aðrir grín að sambandinu. „Lionel Richie veitir mér innblástur til þess að gefast aldrei upp á ástinni, ég get fundið sanna ást hjá vini barnabarnsins míns,“ segir til dæmis einn.