Bresk móðir sem leyfir unnusta hennar að drekka brjóstamjólk hennar fyrir kynlíf svarar fyrir sig og segir: „Við erum ekki skrýtin.“

Lana Michaels og unnusti hennar Shawn segja í samtali við Fabulous Digital að þau hafa aldrei verið jafn náin síðan þau byrjuðu á þessari óhefðbundnu athöfn í svefnherberginu. Þetta byrjaði eftir að Lana upplifði söknuð eftir að bæði börnin hennar voru hætt á brjósti.

Lana, sem er fyrrverandi kennari, á ellefu ára son og sjö ára dóttur úr fyrra sambandi.

Hún segir að það sé mjög erótískt að gefa Shawn brjóst tvisvar í viku.

Parið kemur fram í nýrri breskri heimildamynd um brjóstagjöf fullorðinna. Þau segja að þetta sé fullkomin leið til að krydda upp tilveruna og að athöfnin býr til jákvæða orku milli þeirra sem leiðir síðan til kynlífs.

Það eru komnir átján mánuðir síðan þau gerðu þetta fyrst og segjast ekki sjá fyrir sér að einhvern tíma hætta.

„Ég gaf börnunum mínum brjóst og sakna þess. Ég vil ekki annað barn og börnin mín eru orðin allt of gömul fyrir þetta núna, þannig mér fannst hugmyndin að gefa Shawn brjóst góð,“ segir Lana.

Hugmyndin að brjóstagjöfinni spratt upp eftir að þau stunduðu kynlíf með öðru pari. Lana og Shawn eru í opnu sambandi, en þetta er í fyrsta sinn sem þau eru bæði í slíku sambandi.

Shawn segir að honum þykir brjóstagjöfin bæði æsandi og afslappandi. „Ég var á brjósti sem barn en nú er ég fullorðinn, mér finnst það afslappandi […] Orkan sem flæðir á milli okkar á meðan ég drekk er góður forleikur fyrir kynlíf.“

Aldrei fengið neikvæðar athugasemdir

Parið þvertekur fyrir að vera furðulegt og heldur því fram að það hefur aldrei fengið neikvæða athugasemd varðandi brjóstagjöfina.

„Ef við njótum þess að gera þetta og þetta gerir okkur hamingjusöm, er það ekki það eina sem skiptir máli? Við erum hamingjusöm saman. Það er vandamál þegar fólk dæmir aðra út frá einni athöfn,“ segir Lana.

„Fyrir okkur er þetta ekki stórt mál. Þetta er eitt af mörgu sem við gerum í svefnherberginu. Við förum líka í hlutverkaleiki.“

Lana og Shawn fluttu frá Bretlandi til Spánar í fyrra og byrjuðu að starfa innan klámiðnaðarins. Lana segir að börnin hennar viti að þau búi til „myndbönd fyrir fullorðna“ og þau munu segja þeim frá brjóstagjöfinni þegar þau „skilja hvað kynlíf er.“