Á dögunum var greint frá því að raunveruleikastjarnan Kim Kardashian og tónlistarmaðurinn Kanye West væru að skilja að borði og sæng.

Í kjölfarið fór af stað sá orðrómur að Kanye West væri að sofa hjá Jeffree Star, sem er bandarísk samfélagsmiðlastjarna, snyrtivörumógull og milljarðamæringur. Fjöldi fjölmiðla vestanhafs greindu frá orðróminum og varð allt vitlaust á TikTok, þar sem orðrómurinn átti uppsprettu sína.

Sjá einnig: Þrálátur orðrómur gengur um Kanye West og Jeffree Star

Jeffree Star á höll í Los Angeles, en hann á einnig heimili í Wyoming. Kanye West á sveitabúgarð í Wyoming og hefur varið miklum tíma þar undanfarið. Til að mynda var hann um jólin þar á meðan Kim var með börnin á heimili þeirra í Los Angeles.

En það eru einu tengslin sem Kanye West og Jeffree hafa að sögn Jeffree sem tjáir sig um málið í nýju myndbandi á YouTube.

„Einhver stelpa bjó til lygi á TikTok sem varð „viral“, hún gaf í skyn að Kim og Kanye séu að skilja vegna þess að karlkyns fegurðaráhrifavaldur sé að sofa hjá honum,“ segir Jeffree og bætir við að fjöldi fjölmiðla hafi reynt að hafa samband við hann í gær og spyrja hann út í málið.

„Ég ætla að segja þetta einu sinni, ég er hrifinn af mjög hávöxnum karlmönnum og ég og Kanye höfum aldrei varið tíma saman. Ef þetta er byrjunin á nýja árinu þá gleðilegt nýtt ár,“ segir hann.

„Ef Kris Jenner skipulagði þetta allt saman, þá gleðilegt nýtt ár elskan.“

Kanye West er 1,73 metrar að hæð, og er þá Jeffree Star líklegast að meina að Kanye sé „of lágvaxinn fyrir hann.“

Tekur lygina til baka

Áhrifavaldurinn sem byrjaði orðróminn, Ava Louise, viðurkennir að hún hafi logið þessu öllu saman.

„Þetta er allt lygi, það er ekki eitt sannleikskorn í þessu sem ég sagði. Ég plataði allt netið í að tala um mig aftur því ég var á of miklu Adderall [innsk. blaðamanns: örvandi efni] og leiddist,“ segir Ava í myndbandi á TikTok og spyr svo: „En við skemmtum okkur öll er það ekki?“

@realavalouiisei was gunna wait to expose myself but clout chasing locals I thought were my Friends wanna do it first 💅🏻 lame♬ original sound – Ava Louise