Það eru ekki nýjar fréttir að stjörnurnar, áhrifavaldar og fyrirtæki breyta myndum fyrir samfélagsmiðla. Áður fyrr krafðist þess ágætis tæknigáfu. Þú þurftir að kunna á Photoshop og voru það glanstímaritin sem voru hvað djörfust í því að breyta myndum, En nú er þetta orðið svo einfalt og auðvelt að hver sem er getur hlaðið niður smáforriti í símann sinn og breytt mynd áður en henni er deilt á Instagram. Afleiðing þess er alvarleg. Það verða til óraunhæfir fegurðarstaðlar og fólk, sérstaklega ungir einstaklingar, mynda brengluð viðhorf gagnvart líkama sínum.
View this post on Instagram
En það er ekki aðeins hægt að breyta myndum. Margir líta svo á að ef eitthvað er í formi myndbands þá hlýtur það að vera raunverulegt en tæknin er orðin svo þróuð í dag að það er hægt að breyta líkamsgerð í myndböndum og þú tekur örugglega ekki einu sinni eftir því þegar stjörnurnar gera það.
Fitness-áhrifavaldurinn Hayley Madigan birtir myndband þar sem hún sýnir hversu ótrúlega einfalt og blekkjandi þetta getur verið.
„Mundu að það sem þú sért á netinu er ekki raunverulegt. Það er orðið síalgengara að myndböndum sé breytt og nýjasta auglýsing Kim Kardashian sannar það,“ segir Hayley.
„Það er jafn auðvelt að breyta myndböndum og að breyta myndum. Hvort sem það er að minnka mittið, gera húðina sléttari eða láta vöðvana virðast stærri þá er þetta gert á hverjum degi og látið okkur halda að þetta sé raunverulegt og við dæmum okkur sjálf út frá þessum breyttu útgáfum.“
Hayley segir að það sé ekki aðeins breytt líkömum kvenna heldur einnig karla. „Og við tölum örugglega ekki nóg um það, um hvaða áhrif þetta hefur á karlmenn,“ segir hún.
Að lokum minnir hún fólk á að það sem virðist raunverulegt getur vel verið feik og taktu öllu með vara sem þú sérð á netinu.
