Við höfum öll heyrt um áhættuleikara, staðgenglar stjarnanna í áhættuatriðum. En svo er önnur tegund af staðgenglum, þeir sem sjá um kynlífsatriðin sem stjörnurnar vilja ekki taka upp. Kvikmyndastjörnurnar sem þú hefur séð margoft í myndum en myndir aldrei kannast við úti á götu.

Kerri Parker deilir leyndarmálum starfsgreinarinnar í viðtali við Fabulous Digital.

Kerri hefur verið staðgengill fyrir stórstjörnur eins og Megan Fox og Cate Blanchett. Hún var einnig staðgengill fyrir Jessicu Raine í kvikmyndinni Robin Hood árið 2010.

„Ég hitti karlkyns staðgengillinn tíu mínútum áður en við klifruðum upp í rúm, umvafin loðfeldi. Þetta er frekar vandræðalegt. Eina mínútuna eruð þið að heilsast og næstu mínútuna eruð þið að horfa vonaraugum á hvort annað og þykjast njóta ásta,“ segir hún.

„Eftir að leikstjórinn var búinn að koma okkur í stellingar í rúminu þá settum við „nándar púða“ (e. intimacy cushion) á milli okkar. Þessir púðar eru notaðir til öryggis ef leikari getur ekki haft stjórn á sér. Það getur gerst og púðarnir eru notaðir svo öllum líður vel.“

Kerri er með nokkur góð ráð. „Ég hef alltaf áhyggjur af slæmum andardrætti þannig ég er með myntur í brjóstarhaldaranum og fæ mér reglulega á meðan tökur standa yfir.“

„Oftast liggurðu bara þarna og ert að tala um veðrið. Það er frekar erfitt að láta eins og þú sért kynþokkafull á meðan allt tökuliðið er að horfa,“ segir hún.

Kerri segir einnig frá því þegar hún var staðgengill fyrir Cate Blanchett. Þó svo að það bregði aðeins fyrir henni í nokkrar sekúndur í myndinni þá tók það marga mánuði fyrir hana að undirbúa sig fyrir hlutverkið.

„Ég æfði stíft, passaði upp á mataræðið og skoðaði myndir af Cate til að vera viss um að ég væri í sömu hlutföllum,“ segir hún.

Kerri segir að fólk horfir á hana og búist ekki við að hún sé með fleiri hæfileika, sem er langt frá því að vera satt. „Ég er klifurkennari, áhættuökumaður, ég get skotið alls kyns vopnum, ég er með svarta beltið í karate og er atvinnukafari.“