Parið Charlie King og Anna MacSwan voru nýflutt á heimili sitt í London þegar þau létu fjarlægja veggfóðrið af veggjum hússins til að setja upp nýtt. Það sem blasti við þeim á veggnum kom þeim verulega á óvart.

Veggfóðrið hafði verið uppi síðan árið 1973 eða 48 ár. Á veggnum voru skilaboð frá fyrri eigendum sem virðast hafa verið verulega ástfangnir og voru ekki óhræddir við að tjá á sína fyrir hvoru öðru á veggnum.

Einnig var skrifað á vegginn að ruddalegir hlutir hafi átt sér stað í húsinu en ekki kemur fram hvaða ruddalegu hlutir þetta voru.

Þau fundu fjöldan annan af skilaboðum á veggjunum og oft voru myndirnar eða skrifin dagsett og nöfn aðilanna tekin fram.

Anna og Charlie segjast ekki vera viss um hvort þau láti fjarlægja myndirnar af veggjunum áður en þau setja nýtt veggfóður yfir. Myndirnar séu nú hluti af húsinu og mögulega ættu þær að fylgja því til æviloka.