Leikkonan Elizabeth Hurley, sem er hvað þekktust fyrir leik sinn í Austin Powers myndunum og í Gossip Girl þáttunum, birti í gær djarfar myndir af sér á Instagram-síðu sinni.
„Hvernig gat ég staðist þetta?“ spurði Elizabeth með myndunum sem sýna hana á brókinni og í loðkápu. Myndirnar sem um ræðir hafa vakið mikla athygli en The Sun fjallaði meðal annars um þær í dag.
Þá vekur það sérstaklega athygli hver það var sem tók þessar myndir af leikkonunni. Ljósmyndarinn er nefnilega enginn annar en sonur leikkonunnar, Damian Charles Hurley. Damian, sem sjálfur er leikari, er 18 ára gamall og hafa margir furðað sig á því að hann hafi tekið þessar myndir af móður sinni.
Í frétt The Sun af málinu er gerð skoðanakönnun en spurt er hvort það sé í lagi að 18 ára strákur hafi tekið kynæsandi myndir af móður sinni. Rúmlega 75% þeirra sem svara könnuninni segja að það sé skrýtið. 18,5% segja þetta vera í góðu lagi en rúmlega 6% eru ekki viss.
Hér fyrir neðan má sjá myndirnar sem um ræðir:
View this post on Instagram
