Priscila Beatrice er 28 ára áhrifavaldur og eftirherma frá Brasilíu. Hún er ótrúlega lík söngkonunni Rihönnu og með réttum farða og fatnaði er erfitt að greina þær í sundur. Hún segir að meira að segja Rihanna hélt að hún væri klón af henni. Truly greinir frá.

Priscila byrjaði að starfa sem Rihanna eftirherma eftir að vinir hennar byrjuðu að líkja henni við söngkonuna árið 2007. Síðan þá hefur Priscilu tekist að mastera útlit og framkomu stórstjörnunnar.

Priscila nýtur mikilla vinsælda á samfélagsmiðlum og hefur hún meira að segja vakið athygli Rihönnu.

Það gerist nánast daglega að einhver ruglar Priscilu saman við Rihönnu og segist hún elska það. En líkindi þeirra hafa þó einnig sína galla. Hún segir að þeir sem þola ekki Rihönnu ráðist á hana líka og sendi henni ljót skilaboð.

Horfðu á myndbandið í heild sinni hér að neðan.