Billie Eilish er ein af nokkrum stjörnum sem hefur tekist að láta „möllet-hárgreiðsluna“ (sítt að aftan) vera töff á ný. Billie frumsýndi greiðsluna í nóvember 2019 og allir töldu neon grænu greiðslu hennar vera tískuyfirlýsingu, þegar það var í raun redding eftir misheppnaða litun.
Söngkonan sagði frá því á Instagram að einkennisgreiðsla hennar hafi orðið til vegna mistaka. Hún sagðist hafa farið í litun og helmingur hárs hennar hafi „brunnið af“ og þannig varð til þetta fræga möllet.
Söngkonan frumsýndi greiðsluna í nóvember 2019.
View this post on Instagram
Billie sagði einnig TMZ söguna í fyrra. „Möllet? Hvað meinarðu möllet? Veistu hvað gerðist, einhver litaði hárið mitt og brenndi það. Ekki viljandi samt, en ég er að láta það vaxa,“ sagði hún.
Undanfarið ár hefur söngkonunni tekist að safna hári en hefur haldið græna litnum.
