Betty White er goðsögn sem hefur sigrað hjörtu um heim allan. Hún á Guiness World Record fyrir lengsta feril kvenkyns skemmtikrafts í sjónvarpi. Hún er fædd þann 17. janúar 1922 og lék í fyrstu stuttmyndinni sinni árið 1945. Betty er þekkt fyrir að vera hress og skemmtileg, hún lék síðast í mynd árið 2019.
Það er magnað að hugsa til þess að Betty White kom á undan umferðarljósum og pensilíni. Hér eru nokkrar uppfinningar og hlutir sem eru yngri en Betty White. Bored Panda tók saman.
Prófessorinn Alexander Fleming uppgötvaði pensilín árið 1928.
Skorið brauð var uppgötvað árið 1928. Otto Frederick Rohwedder bjó til Chillicothe Baking Company, sem seldi fyrsta brauðhleifinn sem var skorinn með brauðskurðarvél.
Það var þann 25. júní 1951 sem CBS sýndi fyrsta sjónvarpsþáttinn í lit. Því miður gat enginn séð það því allir áttu svarthvít sjónvörp. Skemmtilegur fróðleiksmoli, fyrsta litasjónvarpið kom til Íslands árið 1977.
Límband (e. scotch tape) kom á markað árið 1929.
Bjór í dós varð ekki fjöldaframleiddur fyrr en árið 1935.
Fyrsta umferðarljósið kom á göturnar árið 1923.
Fyrir 1929 var frosinn matur ekki þekkt fyrirbæri.
George Nissen og Larry Griswold byggðu fyrsta nútíma trampólínið árið 1936.
Getnaðarvarnapillan kom ekki á markað fyrr en árið 1957.
Baunapokar þekktust ekki fyrr en árið 1969, ár Woodstock hátíðarinnar.
Þú gast ekki fengið stílabók með gorm fyrir 1924.
Hér getur þú skoðað fleiri hluti sem eru yngri en goðsögnin Betty White.