Toni Standen, 29 ára, sagði vinkonum sínum að hún væri með ólæknandi krabbamein. Vinir hennar söfnuðu einni og hálfri milljón fyrir hana svo hún gæti fengið draumabrúðkaupið sitt. Daily Mail greinir frá.
Það kom seinna í ljós að hún var ekki með, og hefur aldrei verið með, krabbamein. Hún hefur verið dæmd til fimm mánaða fangelsisvistar.
Í júní 2015 hófst lygin. Toni sagði tveimur vinkonum sínum að hún hafi verið greind með ólæknandi leghálskrabbamein. Hún var dugleg að deila uppfærslum af meðferðinni með vinkonum sínum. Hún var mjög skýr og fór yfir hvert smáatriði með vinkonum sínum og grunaði þær aldrei að hún væri að ljúga. Hún meira að segja rakaði höfuð sitt svo lygin væri trúverðugri.
Toni sagði svo seinna að hún ætti aðeins tvo mánuði eftir ólifað og hennar helsta ósk var að 57 ára faðir hennar, sem var í alvöru að deyja úr krabbameini, gæti fylgt henni niður altarið.
Vinir hennar stofnuðu GoFundMe síðu fyrir hana og unnusta hennar, James, til að gefa þeim „brúðkaupið sem þau eiga skilið.“
Eins og fyrr segir hjálpuðust vinkonur hennar við að safna greiðslur fyrir draumabrúðkaupi Toni, en því miður lét faðir hennar lífið fyrir brúðkaupið.
Hjónin fóru í brúðkaupsferð til Tyrklands og stuttu seinna í frí til Þýskalands, Austurríkis, Ungverjalands, Tékklands og Ítalíu.
Grunsemdir vöknuðu fljótt eftir brúðkaupið og viðurkenndi Toni fyrir vinkonum sínum að hún væri ekki með krabbamein. Hún gerði það í símtali, sem þær tóku upp.
„Mér þykir þetta ótrúlega leitt. Ég skammast mín og er miður mín og á erfitt með þetta allt saman,“ sagði hún.
Hún sagðist einnig ekki vera vita hvort hún og James myndu skilja. „Ég skil hann alveg ef hann vill skilnað,“ sagði hún.
Þegar sannleikurinn kom í ljós var Toni kærð og dæmd í fimm mánaða fangelsi, hún þarf einnig að greiða um 350 þúsund krónur til baka.
Við dómsuppkvaðningu sagði dómarinn: „Ég trúi því ekki að þú hafir ekki geta hætt. Ekki aðeins vildirðu ekki hætta, heldur gerðirðu málið verra með því að fara í viðtöl hjá fjölmiðlum í leit að samúð frá almenning. Þú notaðir örlæti annarra til að borga fyrir brúðkaupið þitt og brúðkaupsferðina. Þú þáðir pening í marga mánuði. Hver sem hugsar rökrétt misbýður hegðun þína.“
Saksóknari í málinu sagði að þetta væri „fágað fjársvik“ sem stóð yfir i mörg ár.
„Hún getur aðeins sjálfri sér um kennt og mun nú eyða jólunum og nokkrum mánuðum til viðbótar á bak við lás og slá.“
