Pílates-þjálfarinn Jennifer Woodward segist hafa verið að sofa hjá stjörnu NFL deildarinnar. Hún komst að því að maðurinn væri ekki aðeins að tala við „margar aðrar stelpur“ heldur átti hann einnig kærustu til þriggja ára.
Jennifer er frá Los Angeles og greinir frá þessu í myndbandi á TikTok.
Jennifer var bálreið þegar hún komst að sannleikanum og ákvað að hafa samband við kærustuna. Hún sagðist ætla að senda kærustunni skjáskot af samskiptum hennar og NFL-stjörnunnar.
„Ég held að hún viti ekki neitt,“ sagði Jennifer og sagðist ætla að senda kærustunni sönnunargögn strax. „Ég er með skjáskot af samskiptum okkar, þegar hann sendi mér heimilisfangið sitt, þegar hann pantaði leigubíl handa mér og margt annað.“
View this post on Instagram
Jennifer nefnir manninn aldrei á nafn en samkvæmt New York Post er maðurinn leikmaður Steelers. Hún uppfærði síðan málið í nýju myndbandi á TikTok. Hún sagði að kærastan hafi hætt með manninum og hann hafði lent í meiðslum sama dag.
„Já ég eyðilagði líf hans á einum degi og ég myndi gera það aftur,“ sagði hún með færslunni, sem hún hefur nú lokað fyrir.
Jennifer hefur ekki tjáð sig frekar um málið en samkvæmt New York Post hefur hún neitað ásökunum um að hún sé að ljúga fyrir athygli.