Lungnadeild Landspítalans í Fossvogi, eða A6 eins og hún er einnig þekkt sem, gerði sér lítið fyrir og tók þátt í dansáskoruninni „Jerusalema“ sem hefur notið mikilla vinsælda á Netinu.

A6 skorar nú á aðra vinnustaði í heilbrigðiskerfinu að spreyta sig á áskoruninni. Myndbandinu var deilt á Facebook síðu Landspítalans og þar segir:

„Lungnadeild Landspítala í Fossvogi (A6) er eins og flestar af hinum 200 deildum spítalans þekkt fyrir einstaklega góðan og samheldinn starfsanda þar sem systkini hlýja og húmor eru fyrirferðamikil. Meginviðfangsefni deildarinnar er greining, meðferð og hjúkrun sjúklinga með bráða og langvinna lungnasjúkdóma, en einnig hefur deildin tekið að sér hlutverk Covid-19-deildar í heimsfaraldrinum og mikið mætt á starfsfólkinu. Skemmtinefndin á A6 hefur á sama tíma staðið í ströngu til að brjóta upp alvarleika og þunga hversdagsins; reynt að gera lífið skemmtilegra með öllum ráðum. Eitt uppátækið var að fá mannskapinn til að taka þátt í smávegins dansáskorun um daginn undir yfirskriftinni „Jerusalema challange“, sem hefur notið mikillar hylli á internetinu. Dansatriðið er hér meðfylgjandi. A6 skorar á aðra vinnustaði í heilbrigðiskerfinu að spreyta sig á þessari áskorun. Góða helgi, kæru landsmenn nær og fjær! Farið varlega og hugsið vel um hvort annað.“

DANSÁSKORUN // A6 skorar á aðrar deildir og vinnustaði í heilbrigðisþjónustu from Landspítali on Vimeo.