Þó svo að þessar nýstárlegu nærbuxur minna frekar á hárband en undirfatnað eru þær að slá í gegn. Nærbuxurnar eru hannaðar til að hylja kynfæri og lítið annað.
Það er vír í nærbuxunum sem er hægt að beygja eftir þörfum hvers og eins, það er einnig til C-strengur fyrir karlmenn.
C-strengurinn er ekki nýkominn á markað, en hefur verið mjög vinsæll undanfarna mánuði. Sérstaklega hjá Bretum sem stunduðu sólbað grimmt í sumar.
Samkvæmt Fabulous Digital hefur sala á C-strengjum aukist gífurlega og eru karlmenn mun hrifnari af nærbuxunum en konur. Þeir eru að kaupa C-strengi fyrir kærustur og eiginkonur sínar, sem virðast ekki eins hrifnar.
„Hann helst ekki á sínum stað, ég gæti ekki ímyndað mér að klæðast C-strengnum í meira en tvær mínútur. Ekki eyða pening í þetta, alls ekki þess virði,“ segir einn ósáttur viðskiptavinur um C-strenginn.
Það kemur fyrir að stjörnurnar klæðast C-streng á rauða dreglinum, eins og ítalska leikkonan Giulia Salemi gerði árið 2016.
